Hizkuntza:

Ziklokrosa

Aurkezpena

Berrehun txirrindulari baino gehiagok parte hartuko dute larunbat honetan Berrizen ospatuko den Bizkaiko Ziklo-kros Txapelketan.

Berrizko Ziklo-kros Sari Nagusiak Bizkaiko Ziklo-kros txapelketa hartuko du hirugarren aldiz. Lasterketak berrehun txirrindulari baino gehiago elkartuko ditu, espezialitatean dauden txirrindulari onenak barne, larunbata, azaroak 28, Berrizburu eta Iremien auzoan.

Berriz Bizikletari Elkarteak eta Berrizko Udalak antolatutako lasterketak 2.8 kilometroko dituen zirkuitu azkarrean gauzatuko da, zaleek zein txirrindulariek bilatzen dituzten ezaugarriak dituena: jaitsiera teknikoak, igoera gogorrak, saltoak, gune azkarrak belar eta asfalto gainean zein oztopo naturalei ere aurre egin beharko diote txirrindulariek. Gainera, aurten ere, parte-hartzaileek lokatzari kontra egin beharko diote.

Jardunaldiaren unerik interesgarriena eguerdiko ordu batetan hasiko da, gizonezkoen elite eta 23 azpikoak lasterketarekin. Bizkaiko maillota irabazteko lehian kadeteek emango diote hasiera goizeko hamarretan. Ordu bat beranduago, junior mutilek, emakumezko junior, elite eta 23 azpiko neskekin batera ekingo diote zirkuituari. Hamabietan, 30-40-50-60 masterrak arituko direlarik.

Beste lasterketa batzuk egin duten moduan, Berrizko Ziklo-kros Sari Nagusiak sari eta dieta berdinak bananduko ditu txirrindulari artean.